Мектеп түлектеріне оқу аттестаттары табысталды

14.06.2021

Бүгін ППУ-дың профессорлық-оқытушылық құрамы мектеп түлектерін оқу жылының аяқталуымен құттықтады.

Оқу аттестаттарын табыстау – мектеп бітіруші түлектердің өміріндегі ең бір қызықты да маңызды сәт. Ендігі болашақ студенттер – биылғы жылдың түлектері үлкен өмір жолына қадам басты. Алда оларды қуанышы мен қиындығы қатар жүретін үлкен студенттік өмір күтіп тұр. Ал бүгін оқушылар көптен күткен аттестаттарын қолдарына алды.

Жас түлектерге арналған бүгінгі салтанатты жиын № 1, 2, 9, 12, 16, 25, 37 орта мектептерінде, дарынды балаларға арналған облыстық көпсалалы лицей-интернатында, Алтынсарин атындағы қазақ гимназия-интернатында, Мичурин және Майқайың жалпы орта білім беру мектептерінде өтті.  Смайлов С.Ш., Шақаман Ы.Б., Асылбекова Г.Е., Жолдабава А.С., Аманова А.С., Сағындықұлы Б., Омаров М.К., Муканова Р.Ж., Лебедева В.И., Асенова Н.С., Алиясова В.Н. және Маняпова Р.К. мектеп түлектерін оқуды сәтті аяқтауымен құттықтап, басқарма төрағасы - ректор Ж. Жилбаевтың атынан оқу мекемелерінің директорларына алғыс хаттар табыс етті.