МЕКТЕП ОҚУШЫЛАРЫ УНИВЕРСИТЕТТІ АРАЛАДЫ

09.11.2022

Бүгін Павлодар қаласындағы №2,43 орта мектептердің 11-сынып оқушылары Павлодар педагогикалық университетіне келіп, экскурсия жасап, қабылдау комиссиясының қызметкерлерімен кездесті. Оқушылар оқу орнының инфрақұрылымымен танысып, мұражайды тамашалады. Кездесу барысында педагогикалық университеттің болашақ студенттерге деген мүмкіндіктері айтылды. Мұғалім мамандығы бүгінгі таңда еңбек нарығында ең сұранысқа ие мамандықтар тізімінде. Сондықтан, соңғы жылдары мектеп түлектерінің дені білім беру саласын таңдауда. Әсіресе филология, математика және биология мұғалімдері көп сұранысқа ие. Жиын барысында өту баллдары, шәкіртақы, студенттік өмір және жұмысқа орналасу және басқа да мәселелерге қатысты мағлұмат берілді.

ППУ өкілдері Павлодар облысы студенттерінің альянсына бірлескен жұмысы үшін алғысын білдіреді және барлық ниет білдірушілерді университетке келуге шақырады.

PPU-ға ҚОШ КЕЛДІҢІЗ!