МЕКТЕП ОҚУШЫЛАРЫ АРХЕОЛОГИЯЛЫҚ ЗЕРТТЕУ ИНСТИТУТЫНА БАРДЫ

27.10.2023

Кәсіптік бағдар беру жұмыстары және Тарих апталығы аясында мектеп оқушыларының археологтармен кездесуі, сондай-ақ Археологиялық зерттеулер институтымен таныстыру өтті.

Бұл іс-шараға №2 орта мектептің, дарынды балаларға арналған №8 мектеп-лицейінің, Ы.Алтынсарин атындағы дарынды балаларға арналған облыстық қазақ мектеп-интернатының, сонымен қатар «Тарих» білім беру бағдарламасының 1 курс студенттері қатысты. Кездесу барысында қатысушылар Ертіс-Баян өңірінің тарихы мен мәдениеті туралы ғылыми ақпарат алды.

Республикалық маңызы бар киелі нысан болып саналатын Сұлтанбет сұлтанның үй-жайына және тәжірибелік археология ғылыми зертханасына экскурсия жасалды.

Студенттер Павлодар Ертіс өңірінің киелі картасымен және Сұлтанбет Сұлтанның тұлғасымен (мұрағат құжаттары, жәдігерлер, кітаптар) танысты, сондай-ақ тас дәуірінің қару-жарақтары мен құралдары бар сауыт-саймандардың қайта жасалуын көрді.