МАРҒҰЛАН УНИВЕРСИТЕТІНІҢ СТУДЕНТТЕРІ КӘСІБИ БАҒДАР БЕРУ ЖҰМЫСЫН ЖҮРГІЗУДЕ

13.01.2024

Марғұлан университетінің студенттері қысқы демалысты бос өткізген жоқ. Өздері шыққан ауылдарына барып, биыл мектеп бітіретін ауылдастары мен іні-қарындастарына қандай ЖОО таңдауға кеңес берді.
Университеттің бірінші курс студенті Мұратбекова Нұрай Абай облысы Бесқарағай ауданы Қарабас ауылындағы Семенов орта мектебінің 9-11 сынып оқушыларымен кездесу өткізді. Студент өз ауылының оқушыларына Марғұлан университеті туралы пайдалы мағлұмат берді.
Ал бастауышты оқыту педагогикасы мен әдістемесі мамандығының 2 курс студенті Жамет Замира сонау Қызылорда облысының оқушыларына үгіт-насихат жұмысын жүргізуде.
Жалағаш ауданы №124 орта мектебінің және Мардан Байділдаев атындағы №232 орта мектебі оқушыларына, соның ішінде педагогика саласын таңдаушы түлектерге Марғұлан университетін таңдауға кеңес берді.
«Арнайы педагогика» білім беру бағдарламасының студенті Гүлжанат Жармұхамбетова Шарбақты ауданы білім беру бөлімінің Шалдай орта мектебінің оқушыларымен кездесу өткізді.
Сонымен қатар, Екібастұз қаласыныңС.Торайғыров атындағы №22 гимназия мектебіне Алим Калкен және Диляра Қалиаскарова сынды оқушылар барып, Марғұлан университеті туралы пайдалы ақпараттармен бөлісті.

“Биология”, “Екі шет тілі” және “Математика” білім беру бағдарламасының студенттері Тыныштық Жанұзақ, Қыпшақбаева Ақтілек, Тілеубекова Зульфия және Биғазиева Қарақаттар Қызылорда облысында жүр. Шиелі ауданы Бестам ауылы №205 қазақ орта мектебінің 10-11 сыныптарымен әңгімелесу өткізіп, кәсіби бағдар беру жұмысын жүргізді.

«Физика-математика» білім беру бағдарламасының студенттері Павлодар ауданы Чернорецк және Қамзин атындағы мектептерінің оқушыларымен кездесті. Студенттер оқу орны туралы слайд көрсетіп, білім алушыларға жасалып жатқан мүмкіндіктер туралы айтты.
-Оқушылар университет турал өздері танитын адамдар айтқан кезде жақсы сенеді. Олар ешқандай қысылмай сұрақтарын қоя алады. Студенттерге осындай жұмыстар үшін GPA интегралды қосымшасында балл береді,-деді қаблдау комиссиясының хатшысы Гүлнәр Мұсанова.