МАРҒҰЛАН УНИВЕРСИТЕТІНІҢ СТУДЕНТТЕРГЕ АРНАЛҒАН ЖЕҢІЛДІКТЕРІ

09.08.2023

Әлкей Марғұлан атындағы Павлодар педагогикалық университетінде ақылы бөлімге құжат қабылдау жалғасуда. Бакалавриат дәрежесі бойынша күндізгі нысанда оқитын студенттер үшін оқу ақысына жеңілдіктер бар.  Мысалы мектеп бітіру аттестатының орташа баллына байланысты 15-тен 50 пайызға дейін жеңілдіктер қарастырылған.

 «Көркем еңбек, графика және жобалау» білім беру бағдарламасына түсетін дарынды шығармашыл жастарға оқуға 35% жеңілдік беріледі. Күндізгі оқу нысанында сессия қорытындысы бойынша үздік оқығаны үшін – 20%. Бір отбасынан шыққан студенттерге, отбасының әрбір келесі мүшесі үшін 10% отбасылық жеңілдік беріледі.

 Жетекші спортшылар мен дарынды шығармашыл жастарға жеңілдіктер – 25%.

Қызметкерлерге, ерлі-зайыптыларға және олардың балаларына төленетін жеңілдіктер – еңбек өтіліне байланысты жылдық құнының 30% дейін.

Әлсіз санаттағы студенттерге жақсы жеңілдіктер қарастырылған. Бала кезінен ауру, 1 және 2 топтағы мүгедектерге, 23 жасқа дейінгі жетім балаларға оқу құнының 50 пайызына жеңілдік бар.  18 жасқа дейінгі 4 және одан да көп баласы бар отбасылардан шыққан студенттер - 15%. Толық емес отбасынан шыққан студенттер – 10%.

Сонымен қатар, 1 қыркүйекке дейін бүкіл оқу жылы үшін алдын ала төлем жасаған студенттерге 7 пайыздық жеңілдік беріледі.

Қосымша ақпаратты Павлодар қ., Олжабай батыр к-сі, 60 мекенжайы бойынша тел.: 8 (7182) 55-55-05 алуға болады.