МАРҒҰЛАН УНИВЕРСИТЕТІНІҢ ГИМНАСТШЫСЫ 4 АЛТЫН ЖЕҢІП АЛДЫ

05.09.2023

Павлодарда Қазақстанның 9 облысынан 80-нен астам ересек спортшының басын қосқан Батут гимнастикасынан көпсайыс бойынша Қазақстан Республикасының чемпионаты мен Қазақстан Республикасының кубогы аяқталды.
Өнер және спорт жоғары мектебінің 2 курс студенті Виктория Бутолина кубок иегері және көпсайыс бойынша абсолютті чемпион атанды. Ол жеке және синхронды батутта секіруде төрт алтын медаль жеңіп алды.

Сондай-ақ Виктория Қазақстан Республикасы Гимнастика федерациясының кубогын және ең қиын жаттығу сайысында ақшалай сыйлыққа ие болды.

Осы жарыстарда өнер және спорт жоғары мектебінің 4 курс студенті Алина Сарсембаева синхронды батутта секіруден ҚР кубогының күміс жүлдегері атанды.

Қыздарды өнер және спорт жоғары мектебінің профессоры Евгений Бронский жаттықтырады.

Біз спортшыларды және олардың жаттықтырушысын жеңістерімен құттықтаймыз және оларға алдағы уақытта да үлкен жетістіктер тілейміз!