МАРҒҰЛАН УНИВЕРСИТЕТІНЕ 44 «АЛТЫН БЕЛГІ» ИЕГЕРІ ТҮСТІ

07.09.2023

Әлкей Марғұлан атындағы Павлодар педагогикалық университетін биыл таңдаған студенттердің қатарында «Алтын белгі» иегерлері, олимпиада жүлдегерлері, ғылыми жоба жеңімпаздары көп.

Атап айтсақ мемлекеттік грантқа түскендер арасында 44 «Алтын белгі» иегері, 6 ғылыми жоба жеңімпазы және тағы бірқатар республикалық олимпиада жеңімпаздары бар.

«Алтын белгі» иегерлерінің ішінде 5 студент қазақ тілі мен әдебиеті, 8 студент Шет тілі: екі шет тілі, 9 студент физика-математика, 9 студент математика және математика-физика, 2 студент биология, 2 студент тарих және қалғандары арнайы педагогика, педагогика және бастауыш білім беру әдістемесі, дене шынықтыру және спорт, көркем еңбек, графика және жобалау, география және тарих пәні мұғалімі мамандықтары бойынша оқиды.

Мектепті «Алтын белгімен» бітіріп, Марғұлан университетін таңдағандардың бірі – Махаббат Жүнісова. Ол Аққулы ауданы Жамбыл орта мектебін бітірген. Талантты да дарынды студент мектеп қабырғасында жүріп-ақ, бірнеше ақындар мүшайрасына, Абай оқуларына, Әбіш оқуларына, Шоң би оқуларына, Мағжан оқуларына, Бітібаев оқуларына қатысып, жүлдегер атанған. Ол Абайдың 50-ден астам өлеңін, 10 астам Қара сөзін жатқа біледі.

Облыстық Мағжан оқуларының 2 орын, Бітібаев оқуларының 3 орын және «Сән мен имидж» байқауының 1 орын иегері.