МАРҒҰЛАН УНИВЕРСИТЕТІНДЕ ВОЛЕЙБОЛ АЛАҢЫ АШЫЛДЫ

18.09.2024

Бүгін Марғұлан университеті жаңа жатақханасының аумағында жаңа волейбол алаңының ашылу рәсімі болды. Жаңа алаңның ашылу салтанатын университеттің басқарма төрағасы-ректор Жанбол Жилбаев және университет профессоры, Павлодар облысының Құрметті азаматы Виктор Кольев жасады.

-Марғұлан университетінің басшылығы студенттердің салауатты өмір салтын сақтауына ерекше мән беріп келеді. Аз уақыт ішінде университет аумағында бірнеше ашық спорттық алаңы құрылып, студенттердің игілігіне жарап тұр. Бұл жатақхананың аумағында орналасқан, студенттердің кез-келген уақытта спортпен шұғылданып, волейбол ойнауына ыңғайлы жерде. Студент спортпен шұғылданған кезде олардың денсаулықтары мықты болады,-деді Виктор Кольев.

Жатақхана жанынан волейбол алаңының ашылуына студенттер де қуанышты.

-Мен қазақ тілі мен әдебиеті мамандығы бойынша бірінші курс студентімін. Мұнда біздің дамуымызға жағдай жан-жақты жасалған екен. Өте қуаныштымыз. Енді міне жатақхана жанынан волейбол алаңы ашылып, тағы бір қуантты. Барлық студенттерді осы алаңда ойнауға шақырамын,-деді Нұрай Жаңбырбаева.

Жаңа алаңның ашылуына орай педагогика жоғары мектебі мен гуманитарлық ғылымдар жоғары мектебі студенттері арасында жолдастық кездесу өтті.