МАРҒҰЛАН УНИВЕРСИТЕТІНДЕ «STUDENT BALL» КЕШІ ӨТТІ

24.11.2023

Марғұлан университетінде «Жастар ісі жөніндегі комитеттің» ұйымдастыруымен «Student ball» байқауы өтті. Сайысқа 6 жұп қатысып, бақтарын сынады. Бірінші кезеңде қатысушылар өздерін таныстырса, екінші кезеңде жұптар әдемі киім үлгілерін көрсетті. Ал үшінші бөлім әртүрлі ойын сайыстарына арналды. Кешкі баллдың атмосферасы өте әсерлі болды деуге болады. Сынға түсіп жатқан өнерлі жастар көрерменге ерекше көңіл-күй сыйлай білді.

Сайыс нәтижесі бойынша, «Жастар Рухы» студенттік ұйымы Серік Әди мен Күнту Нұрсая «Үздік образ» номинациясын жеңіп алды. «Лотос» волонтерлық ұйымынан Келесбаев Нұрсұлтан мен Әлім Қалкен «Талғампаз жұп» номинациясына ие болды. «Ғибрат» шығармашылық бірлестігі өкілдері Жарылқасын Шерхан мен Данабек Ақерке «Үздік жұп» атанса, «Құс қанат ғұмыр» әдеби-поэтикалық ұйымының мүшелері Серік Бексұлтан мен Рахымбай Бибінұр «Креативті жұп» аталымымен марапатталды. Үздік өнер көрсеткен жұптарға демеушілер ұсынған сыйлықтар табысталды.

«Жастар ісі жөнідегі комитет» оқу ордамыздағы ең жоғары деңгейдегі іс-шараларды өткізетін ұйымдардың бірі. Сондай іс-шараның біріне бүгін куә болып отырмыз. Сайыс өте жоғары деңгейде, тартысты өтті. Себебі қатысушылар алдын ала тыңғылықты дайындалып келген екен, - дейді Студенттік Парламент президенті Аян Давлетяров.