МАРҒҰЛАН УНИВЕРСИТЕТІНДЕ "ҚАЗАҚ ТІЛІ" АПТАЛЫҒЫ БАСТАЛДЫ

Бүгін Марғұлан университетінде "Қазақ тілі" апталығы басталды. Апталықтың бірінші күнінде «1001 мақал, 101 жұмбақ, сырлы өлең» ой мен ойын сайысы ұйымдастырылды. Онда мақал-мәтелдің жалғасын тауып, айтып беру, мәнін ашу, ұсынылған өлеңдер шумағын жалғастырып оқу, немесе авторын анықтау, жұмбақтың шешімін табу тапсырмалары орындалды. Шараның мақсаты – мемлекеттік тілдің қолданыс аясын кеңейту, ұлттық құндылықтарымызды дәріптеу, тіл мәдениетін көтеру, сөз мәйегі мақал-мәтелімізді жаттап жүру, сөйлеу құралдарына айналдыру; өлең жаттауға шақыру, өлеңдер арқылы қазақ ақындарын тану; ой-өрісін, танымын кеңейту.

Сайысқа университетіміздің студенттерімен қатар оқытушылары мен қызметкерлері де қызғушылық танытты. Ұмытылып қалған мақалдары мен өлеңдерін еске түсіріп, алғыстарын білдірді. Өлең авторларын тауып, мәліметтер де берілді. Жұмбақтар да таласа шешілді. Шараға қатысушылар риясыз алғыстарын білдірді, қосымша өлеңдер оқып ұсынғандар да болды.