МАРҒҰЛАН УНИВЕРСИТЕТІНДЕ ОЛИМПИАДА ЖӘНЕ АШЫҚ КҮНІ ӨТТІ

14.04.2023

Бүгін Әлкей Марғұлан атындағы Павлодар педагогикалық университетінде екі ауқымды іс-шара өтті: Облыстық мектеп түлектері арасындағы педагогикалық олимпиада және Ашық есік күні.

Бүгінгі күннің маңызды оқиғасы Педагогикалық олимпиаданың екінші туры болды, оның барысында қатысушылар «Егер мен мұғалім болсам» тақырыбында эссе жазды. Еске салайық, байқау шарты бойынша бірінші турда 11-сынып оқушылары өздері туралы бейнероликті комиссияға жолдаған болатын. Үздік жұмыстардың авторлары зияткерлік сайыстың екінші кезеңіне қатысты.

Марғұлан университетінің ғылыми жұмыстар жөніндегі проректоры Бауыржан Есенгелдин педагогикалық олимпиаданың 2-ші турының қорытындысы бойынша 7 жеңімпазға университетте оқу грантын табыстады.

Әрбір жоғары мектепте талапкерлерді олардың қызметімен таныстыру мақсатында шеберлік сыныбы немесе көрме өтті. Осылайша, Жаратылыстану жоғары мектебі робототехника бойынша шеберлік сыныбын өткізді. Сонымен қатар, студенттер мен оқытушылар мектеп оқушыларымен бірге «Жанартау атқылауы», «Жараны салу және емдеу», «Глюконаттық жылан» сияқты ғылыми тәжірибелер көрсетті.

Бейнелеу, графика және дизайн мұғалімдері кәдесый ағаш бұйымдарын жасау бойынша шеберлік сабағын өткізді. Мұғалімдер кәдесый қуыршақтарды безендіру технологиясын және олардың көркем суретін ұсынды.

Жетістіктер көрмесі аясында білім беру бағдарламаларының студенттері мектеп оқушыларына ғылыми жетекшілерімен бірлесіп жүргізген зерттеулерінің нәтижелерін көрсетті.

Мектеп оқушылары арасында жоғары оқу орнына құжат қабылдау бойынша ақпараттық-түсіндіру жұмыстары жүргізіліп, Ұлттық бірыңғай тестілеудің форматы түсіндірілді, университеттің мамандықтары мен жоғары оқу орындары туралы ақпараттар жазылған түрлі-түсті буклеттер таратылды. Жастар саясаты мәселелері департаментінің белсенділері университеттің студенттік ұйымдары туралы айтып, оқушылармен интерактивті ойындар өткізді.

Кездесу соңында облыс мектептерінің оқушылары мен колледж, университеттің спорт бөлімдерінің студенттері арасында волейболдан жолдастық кездесу өтті. Волейболдан өткен турнирге Олимпиадалық резервтің мамандандырылған колледжінің, «Жас дарын» мамандандырылған мектебінің және Павлодар қаласының № 2 жалпы орта білім беру мектебінің оқушылары белсене қатысты. Марғұлан
университетінде Ашық есік күні қалай өткенін бүгін облыстық «Ертіс» телеарнасынан көруге болады.