МАРҒҰЛАН УНИВЕРСИТЕТІ КОМАНДАСЫ СТУДЕНТТЕР ЛИГАСЫНЫҢ ЖҮЛДЕГЕРІ АТАНДЫ

15.12.2022

Өскемен қаласында тоғызқұмалақтан, шахматтан және үстел теннисінен Республикалық студенттік спорт лигасының Шығыс дивизионының облыстық іріктеу жарыстары аяқталды.

Жарысқа Павлодар, Семей және Өскемен қалаларының жоғары оқу орындарынан 6 команда барды. Жарыс қорытындысы бойынша Margulan university-нің ұлдар мен қыздар командасы тоғызқұмалақтан І орынды жеңіп алды. ДШжС-23 тобының студенті Байлдяшева Жамиля «Қыздар арасындағы үздік ойыншы» номинациясы дипломымен марапатталды. Сол секілді шахматқа барған команда да жеңімпазы атанды. ДШжС-31 тобының студенті Бектұров Темірлан «Жастар арасындағы үздік ойыншы» номинациясымен марапатталды. Қыздар арасында ҚТӘ-15 тобының студенті Жақсыбаева Айдана үздік шахматшы атанды.

Үстел теннисі командасының ұлдары мен қыздары жарыстың күміс жүлдегерлері атанды. ДШжС-11 тобының студенті Зейнулла Айзере «Үздік ойыншы» номинациясы бойынша дипломмен марапатталды.

Жаттықтырушылар: Сырлыбаев Медет Көшербайұлы (тоғызқұмалақ), Мушетов Данияр Әнуарұлы (шахмат) және Әбішев Дәулет Жұмажапарұлы (үстел теннисі) «Жарыстың үздік жаттықтырушысы» номинациясы бойынша дипломдармен марапатталды.