МАРҒҰЛАН УНИВЕРСИТЕТІ ҚАНДАСТАРДЫ ДАЙЫНДЫҚ ОҚУҒА ШАҚЫРАДЫ

08.08.2023

Әлкей Марғұлан атындағы Павлодар педагогикалық университеті шетелде тұратын және жаңа көшіп келген қандастарымыздың балаларын дайындық оқуға шақырады. Марғұлан университеті қабылдау комиссиясының хатшысы Гүлнәр Мұсанованың айтуынша, дайындық тобына 11(12) сынып бітірген мектеп түлектері қабылданады. Қажетті құжаттардан мектеп бітіргені туралы аттестат, жеке басын куәландыратын құжаты (паспорт) және ұлты қазақ екенін растайтын анықтама керек.

-         Мақсатымыз шетте жүрген қазақ жастарының Атамекенде білім алуына және қандастардың елге оралуына үлес қосу. Сондықтан келеміз деген азаматтарға құшағымыз ашық. Талапкерлерді дайындық тобына әңгімелесу арқылы қабылдаймыз, - дейді.

Талапкерлерге шәкіртақы беріліп, жатақханамен қамтылады. Жыл бойы өзінің таңдаған мамандығы бойынша дайындалып, келесі оқу жылының соңында ҰБТ тапсырады.

Қазір тізімделу жүргізілуде, үлгеріп қалыңыздар!

Байланыс телефон: 87021788086 (Ватсап)