MARGULAN UNIVERSITY -НІҢ СТУДЕНТІ ҚАЗАҚША КҮРЕСТЕН ҚР ЧЕМПИОНЫ АТАНДЫ

01.03.2023

Марғұлан университетінің Өнер және спорт жоғары мектебінің студенттері Әсел Манап, Айтмұхамбетов Алдияр және Зарина Жақсылықова қазақша күрестен Қазақстан чемпионатында жүлделі орындарға ие болды. 24-28 ақпан аралығында Шымкент қаласында өткен жарысқа еліміздің барлық облыстарынан 20 жасқа дейінгі мықты палуандар қатысты.

Жарыс нәтижесінде Өнер және жоғары спорт мектебінің 3 курс студенті Айтмұхамбетов Алдияр 84 келі салмақ дәрежесінде Қазақстан Республикасы чемпионатының қола жүлдегері атанды.

48 келі салмақта қыздар арасында Марғұлан университетінің М.Қанапьянов атындағы жоғары педагогикалық колледжінің 2 курс студенті Зарина Жақсылықова да чемпионаттың қола жүлдесіне ие болды.

Қазақ күресінен 70 келі салмақ дәрежесінде 1 курс тобының студенті Әсел Манап Қазақстан чемпионатының абсолютті жеңімпазы атанды. «Менің барлық қарсыластарым жарысқа өте жақсы дайындықпен келді, әрқайсысының өз техникасы мен күрес тактикасы болды. Бірақ барлық қиындықтарға қарамастан мен оларды жеңе білдім», – дейді Әсел.

Спортшыларды жарысқа жаттықтырушылар Еркін Камшатов, Қанат Жүнісов және Серікбол Жетпіс дайындады.