MARGULAN UNIVERSITY ӨКІЛДЕРІ ОҢТҮСТІК АЙМАҚТАРДЫ АРАЛАУДА

10.04.2023

Ә.Марғұлан атындағы Павлодар педагогикалық университетінің ұстаздарымен қатар студенттері де кәсіби бағдар жұмысымен айналысып, мемлекеттік «Серпін» бағдарламасын насихаттауда.

Қазіргі таңда университет оқытушылары С.Т.Иксатова мен А.К.Елемесов Түркістан облысында іс-сапарда жүр. Облыстың жастар бастамалары орталығымен бірлесіп мектеп оқушыларымен және ата-аналарымен кездесулер өткізуде.
Осы аптада кәсіптік бағдар беру бригадасы Қызылорда облысына барады деп жоспарланған. Бұл жолы педагогика жоғары мектебінің оқытушылары Р.Х.Кошкембаева мен Б.Ф.Солтанбаева барады.

Педагогика жоғары мектебінің оқытушысы Г.А.Сүлейманованың студенттері де кәсіптік бағдар беру жұмысын жүргізді. Наурыз айының соңында СП-11 тобының студенті Нағашбай Ұлжан Қызылорда облысына барып, мектеп түлектеріне ЖОО туралы мағлұмат беріп, бейнероликтер көрсетті. Кездесу барысында біздің студент мұндағы оқу перспективалары және студентке жасалған жағдай туралы әңгімелеп берді. Акция жалғасуда, алдағы уақытта тағы бірқатар мектепте кездесулер күтіп тұр.