МАМАНДЫҚ ТАҢДАУ – МАҢЫЗДЫ ҚАДАМ!

30.01.2023

Өткен аптада Әлкей Марғұлан атындағы Павлодар педагогикалық университетінің қызметкерлері Павлодар және Ертіс аудандарының мектептерінде кәсіптік бағдар беру жұмыстарын жүргізді. Ертіс ауданында №4 орта мектеп түлектерімен кездесу өтті. Жаратылыстану ғылымдары жоғары мектебінің профессоры Б.Б. Ғабдулхаева, өнер және спорт жоғары мектебінің оқытушысы Т.М.Дорошенко, гуманитарлық ғылымдар жоғары мектебінің оқытушысы З.Ш.Әйткенов түлектерді ЖОО тарихымен, білім беру бағдарламаларымен, білім алушыларға жасалған мүмкіндіктермен таныстырды. Оқушыларды студенттердің академиялық ұтқырлық мүмкіндіктері, жатақханамен қамту мәселесі, сондай-ақ, өткізілетін сыныптан тыс іс-шаралар қызықтырды. Сонымен қатар, әр түлектің жанына жақын, табиғатына сай келетін мамандық таңдау жөнінде кеңес берілді.

Сондай-ақ, университет қызметкерлері Павлодар ауданы Заря және Новоямышев ауылдарының мектептерінде болды. Онда оқушылармен профессор Қ.М.Текжанов, өнер және спорт жоғары мектебінің доценті Е.Ю.Личман, гуманитарлық ғылымдар жоғары мектебінің оқытушысы А.М.Даурбеков және жаратылыстану ғылымдар жоғары мектебінің оқытушысы Р.Ж.Мұқанова кездесіп, сұрақтарға жауап берді.

Жалпы, жастар болашақ мамандықтарын таңдауда қателеспеуі керек. Бұл ретте оларға үлкендердің көмегі ауадай қажет. Сондықтан, мектеп ұстаздары және университет оқытушылары түлектерге мамандық таңдау кезінде басшылыққа алынуы керек критерийлер бойынша кеңестер берілген абзал.