М.ӘЛІМБАЕВТЫҢ 100 ЖЫЛДЫҒЫНА АРНАЛҒАН ШАРА

06.04.2023

Е.Бекмаханов атындағы кітапханада Музафар Әлімбаевтың 100 жылдық мерейтойына орай «Музафар Әлімбаев балалар әдебиетінің жыршысы> атты шара өтті. Шараға Margulan University ХБ-11 тобыныңстуденттері қатысты.
Шара барысында Мұзафар Әлімбаевтың шығармашылығымен, өмірімен балалар әдебиетіне қосқан үлесі туралы айтылды. Көрермендер кітапхана қорындағы М.Әлімбайұлының еңбектерін тамашалады.

Ертістің асау толқынымен алысып өскен М.Әлімбайұлы 19 жасында ұлы Отан соғысына өз еркімен аттанып, жастық шағын қан майданда өткізген рухты ақын. Қазақстанның халық жазушысы, Қазақстан Республикасы Мемлекеттік сыйлығының лауреаты, көрнекті ақын, қоғам қайраткері Мұзафар Әлімбаев «Балдырған» журналының бас редакторы қызметін атқарған. Ол балалар әдебиетінің дамуына зор үлес қосқан қаламгер. Мұзағаң 1923 жылы 29 қазанда Павлодар облысы Шарбақты ауданы Маралды өңірінде дүниеге келген. 2017 жылы Алматыда дүниеден өтті. Осы 95 жыл ғұмырында ақынның 70-ке жуық кітабы шықты. Композиторлар 300-ден аса өлеңіне ән жазып, ел аузына таралды. Бүгінгі студент, ертеңгі ұстаз ретінде балалар әдебиеті туралы оның негізін қалаушы М. Әлімбаев туралы зерттеп білу, ол кісінің шығармашылығына үңілу үлкен тәжірибе болды