Қ. Мұңайтпасұлының 150 жылдығына және Ш. Бөлтекұлының 105 жылдығына арналған волейболдан ЖОО аралық турнир

18.10.2021

Павлодар педагогикалық университетінде көрнекті қазақ палуаны Қажымұқан Мұңайтпасұлының 150 жылдығына және қазақ боксының негізін қалаушы Шоқыр Бөлтекұлының 105 жылдығына арналған волейболдан ЖОО аралық турнир өтті. 
Павлодар педагогикалық университетінің "Jas Otan" жастар қанаты ұйымдастырған волейбол турниріне Павлодар педагогикалық университетінің, Торайғыров университетінің және М.Қанапьянов атындағы Жоғары педагогикалық колледжінің 10-нан астам командасы қатысты.
"Турнир студенттік ортада волейболды дәріптеу, салауатты өмір салтын насихаттау, жастар арасында достық пен командалық рухты нығайту мақсатында өткізіледі", - дейді "Jas Otan" жастар қанатының төрайымы Маржан Қалдыбаева.
Жалпыкомандалық есепте бірінші орын үшін "Ғибрат" шығармашылық бірлестігінің ойыншылары мен Павлодар педагогикалық университетінің "Jas Otan" жастар қанатының командасы бақ сынасты. Үшінші орынды "Серпін"клубы белсенділерінің командасы жеңіп алды.Үздік ойыншы марапатын Тастан Медеу иеленді.
Барлық жеңімпаздар естелік грамоталармен және медальдармен марапатталды. "Алтын" жеңіп алған командаға "Jas otan" жастар қанатының атынан кубок табыс етілді .