«МАҒЖАН ЖҰМАБАЕВ – ҰЛТТЫҚ ПОЭЗИЯ ПАДИШАСЫ»

25.09.2023

Әлкей Марғұлан атындағы Павлодар педагогикалық университетінің Е.Бекмаханов атындағы ғылыми кітапханасында ақын, Алаш қайраткері Мағжан Жұмабаевтың 130 – жылдық мерейтойына орай «Мағжан Жұмабаев – ұлттық поэзия падишасы» атты поэзия кеш өтті.

Е.Бекмаханов атындағы ғылыми кітапхана ұжымының ұйымдастыруымен өткен шараға М.Қанапиянов атындағы жоғары колледждің білім алушылары қатысты. Шара барысында студенттер ақынның өлеңдерін оқып, рухты жырларынан шашу шашты.

Гүлстан Мұрат, Ергеш Жұмажан, Диляра Асыльаева, Жанерке Аманкелді, Ербол Серікбаев, Ермек Қонысбай, Дайана Ақан, Дильназ Оспанова сынды өнерлі жастар Мағжанның «Жан сөзі», «Мені де өлім әлдиле», «Сәлем хат», «Тоқсанның тобы», «Өткен – аяулы», «Алтын хәкім Абайға», «Төгілген шаш» өлеңдерін нақышына келтіріп оқыды.

Сонымен қатар, қазақ тілі мен әдебиеті мұғалімі Дана Наурызбаева мен қоғамдық пәндер оқытушысы Гүлбике Қизатова сөз сөйлеп, Мағжан ақынның шығармашылығына, ұлтқа сіңірген еңбегіне тоқталды.

Поэзия кешіне орай «Ұлт қамын ойлаған ақын» және «Түркі дүниесін жырмен оятқан ақын - М. Жұмабаев» атты электронды кітап көрмелері ұйымдастырылды.