МАГИСТРАТУРАҒА ҚАБЫЛДАУ ҚАЗАН АЙЫНДА ҚАЙТА ЖАЛҒАСАДЫ

24.08.2023

Егер сіз магистратураға түсуге өтініш беріп үлгермесеңіз немесе оқуға түсе алмасаңыз, үмітіңізді үзбеңіз. Сізде үстіміздегі жылы біліміңізді жалғастыруға әлі мүмкіндігіңіз бар. Бұл туралы ҚР Ғылым және жоғары білім министрі Саясат Нұрбек өзінің жеке парақшасында хабарлады.

-Ағымдағы жылдың 25 қазаны мен 10 қараша аралығында магистратураға түсу конкурсына қайта қатыса аласыз. Сондықтан өз күшіңізді қайта сынап, қабылдау сынақтарына дайындалуға және біліміңізді көрсетуге мүмкіндігіңіз болады. Барлық қиындықтарды жеңе алатындығыңызды және магистратура білім беру грантының иегері атануыңызға лайық екеніңізді дәлелдей аласыз, - деді министр.

Конкурс кезеңдері мен талаптары, құжатты рәсімдеу ережелері және өтініш беру мерзімдері туралы толық ақпарат министрліктің ресми сайтында жарияланады.

Өз мүмкіндігіңізді жіберіп алмаңыз. Жаңа мақсат қойып, оған батыл қадам жасаңыз. Магистратура конкурсына қатысу – бұл жетістікке жету жолындағы келесі қадам және алға қойған мақсаттарға жету мүмкіндігі.