М.ҚАНАПИЯНОВ АТЫНДАҒЫ КОЛЛЕДЖ СТУДЕНТТЕРІНІҢ ЖАРҚЫН ЖЕТІСТІГІ

16.01.2023

Марғұлан университетіне қарасты М.Қанапиянов атындағы жоғары колледж студенттері әртүрлі спорттық чемпионаттар мен жарыстарда бақ сынап, жүлделі орындардан көрініп жүр.

Солардың бірі – «Дене тәрбиесі және спорт» мамандығының студенті Зарина Жақсыбаева. Ол Қазақ күресі бойынша Павлодар облысының іріктеу чемпионатына қатысып, 48 кг салмақ дәрежесінде 3 орынға ие болды.
Колледж қоржынына қола салған Заринаны шын жүректен құттықтаймыз!

Жақында Павлодарда 2006-2007 жылғы қыздар арасында волейболдан Қазақстан Республикасының чемпионаты өтті. Онда павлодарлық СДЮШОР 2 командасы қола жүлдені қанағат тұтты. Команда құрамында М.Қанапиянов атындағы жоғары колледж студенті Дарья Инина ойынға қатысып, сәтті ойын көрсетті.

Волейболшы қыздарды жүлдесімен құттықтаймыз!

Екібастұз қаласының шідерді кентінде ерлер арасында асық атудан ашық біріншлік өтті. Онда М.Қанапиянов атындағы жоғары колледжі «Дене тәрбиесі және спорт» мамандығының студентті Мәди Қасенғалиев қатысып, мергендігімен көзге түсті. Турнир қорытындысы бойынша ол жүлделі 3 орынға ие болды.

Асығы алшысынан түскен Мәдиді жүлдесімен құттықтаймыз!