Ұлт ұстазының 180-жылдығына арналған әдеби кеш

04.11.2021

Павлодар педагогикалық университетінің М. Қанапиянов атындағы жоғары колледжі мен Е. Бекмаханов атындағы ғылыми кітапхана қазақ ағартушы, ұстаз, ақын, ғалым Ы. Алтынсариннің 180 жылдығына орай «Педагог және ағартушы» атты мерекелік іс-шара өткізілді.

Осы мерекелік іс-шараға жетекші ретінде атсалысқан ҚТӘ – 11(9) кураторы Пшембаева Айдана Асылбекқызы  және Түлкібек Айдар «Көрұғлы» атты күйді орындады. Ұлы ақынның өлеңдерін колледж студенттері Амангелді Шарапат «Әділдік көрмеген үшін төреге айтылған сөз»,  А. Сәрсембаева «Сөз басы. Кел,балалар, оқылық!» және Серікова Әминаның орындауында «Әй, жігіттер» өлеңін жатқа мәнерлеп оқыды.  Жәнібек Есенкелді «Өнер білім бар жұрттар» атты презентациясымен таныстырып, Ы. Алтынсариннің өмірі мен шығармашылығына тоқталып өтті.
Колледж студенттері А. Амангельдинова мен Сүндетпек Аңшыбек ұлы педагог жайлы «Жұлдыз» және «Керуен» жұрналдарда басылып шыққан «Алтынсарин – этнограф фольклортанушы», «Алтынсариннің ақындық ортасы» мақалаларымен оқырмандарға таныстырым өткізді. 

Іс-шара барысында МО-21 тобының студенттері Тілек Балапан, Құнанбай Жайдар «Толғау», «Әлқисса» күйлерін орындап, оқырмандарға көтеріңкі көңіл-күй сыйлады.