«ПОЭЗИЯ – ҰЛАН-ҒАЙЫР ДҮНИЕ...» АТТЫ ПОЭЗИЯ КЕШІ ӨТТІ

13.05.2022

Павлодар педагогикалық университетінің Е.Бекмаханов атындағы ғылыми кітапханасында «Поэзия – ұлан-ғайыр дүние...» атты поэзия кеші өтті. Онда 2022 жылы мерейтойлары аталып өтілетін ақындардың өлеңдері оқылды. Биыл ақын, жырау Дулат Бабатайұлының туғанына 220 жыл толса, ағартушы, лингвист-ғалым, түрколог, ақын және аудармашы Ахмет Байтұрсынұлының туғанына 150 жыл толды. Сонымен қатар, ақын жерлесіміз Аманжол Шамкеновтың туғанына – 95 жыл. Іс-шараның мақсаты – қазақ әдебиетін кеңінен насихаттау, қоғамның кітап оқуға деген қызығушылығын арттыру. Шараға университет және колледж студенттері мен кітапхана қызметкерлері қатысты. Кеш барысында «Ақын-жазушылардың мерейтойлары-2022» атты ақындардың өмірі мен шығармашылығы туралы бейнеролик көрсетілді. Сонымен қатар, студенттер ақын, жырау Дулат Бабатайұлының, ұлт ұстазы Ахмет Байтұсынұлының, белгілі ақын, Қоғам қайраткері Мұхтар Шахановтың және жерлес ақынымыз Аманжол Шамкеновтің өлеңдерін оқыды. Сондай-ақ, Жұмағалй Саин, Сырбай Мәуленов, Төлеген Айбергенов сынды ақындардың шығармалары да оқылды.

Атап айтқанда Құмархан Қасиет Д.Бабатайұлының "Тегімді менің сұрасаң"атты шығармасын оқыса, Шырынбек Шерхан, Мұхтар Мәдібек, Құмархан Қасиет, Аңсабай Азамат, Құттыбаева Аружан, Нұрымов Нұрсұлтан, Романов Денис, Бендиров Аслан, Қалиев Асқар сынды студенттер әдеби-поэтикалық композициялар мен театрландырылған қойылым ұсынды.