Кітапханаға профессор Мағзұм Мұхтаровтың жеке мұрағатынан кітаптар сыйға тартылды

14.10.2021

Белгілі ғалым, физика -математика ғылымдарының кандидаты, Торайғыров университетінің профессоры Мағзұм Мұхтаровтың туыстары Павлодар педагогикалық университетінің Е.Бекмаханов атындағы ғылыми кітапханасына ғалымның жеке қорындағы кітаптарды сыйға тартты.
Сыйлыққа тартылған жинақта 400-ге жуық кітап бар: жоғары оқу орындары мен мектептерге арналған ғылыми, әдістемелік және оқу басылымдары.
«Оның математикалық пәндер бойынша жинаған бірегей кітапханасы болашақ математиктерді дайындауда жақсы көмек болады деп үміттенеміз», - дейді отбасы өкілдері.

Павлодар облысы Май ауданының тумасы Мағзұм Мұхтаров бүкіл өмірін ғылымға арнады. Май ауданында мұғалім, кейін Қарағанды мемлекеттік университетінде жоғары математика кафедрасының оқытушысы, доценті, меңгерушісі болып жұмыс істеді.
2001 жылдан бастап Павлодар өңірінің жоғары оқу орындарында, 2004 жылдан өмірінің соңғы күндеріне дейін Торайғыров университетінің Жоғары математика және математикалық модельдеу» кафедрасының профессоры болып жұмыс істеді. 70 -тен астам ғылыми мақалалар мен әдістемелік құралдардың авторы, ұстаз және ғалым, ол математика ғылымдарын оқыту әдістемесін жетік меңгерген.
Павлодар педагогикалық университетінің Е.Бекмаханов атындағы ғылыми кітапханасының директоры Роза Игибаева сыйға тартылған кітаптар үшін профессордың отбасына ризашылығын білдіріп, ғалымның Кереку өңіріндегі ғылым саласының дамуына қосқан үлесін атап өтті. «Біз студенттеріміз профессор Мағзұм Мұхтаровтың кітаптар қорынан сирек кездесетін оқулықтар бойынша білім алып, оның ғылыми мұрасымен таныса алатынына қуаныштымыз», - деді Роза Ержанқызы.