«Кітаптар бізге соғыс туралы естелік қалдырады...»

06.05.2021

ППУ-дың Е.Бекмаханов атындағы ғылыми кітапханасы Ұлы Отан соғысындағы Жеңістің 76 жылдығына арналған «Кітаптар бізге соғыс туралы естелік қалдырады...» атты тарихи-патриоттық кеш өткізді. Ұйымдастырушылар студенттер мен жиылған қонақтарға Жеңіс күні біздің елдің барлық тұрғындары үшін қасиетті күн екенін және солай болып қала беретінін айтты: «Бүгін біз соғыс жылдарындағы оқиғаларды және біздің бүгінгі бейбіт өмірге жету жолындағы отан үшін от кешкен асыл азаматтарды тағы бір рет еске алу үшін жиналдық».

Ақындарымыз Р.Гамзатов, Қ.Аманжолов, М.Жалел шығармаларынан өлеңдер мен үзінділер оқылды. Кеш әскери тақырыптағы музыкамен сүйемелденіп, «9 мамыр», «Тырналар», «Туған жер» ШТА-11 тобының студенті Нурмақанова Анель, Солодовников Янаның орындауында және ПМНО -12 тобының студенті Мусалданова Жанель мен MO -11тобынан Уахит Әлнұрдың орындауында керемет әндер шырқалды. Іс-шара барысында Жоғары гуманитарлық мектеп студенттері KIL -15 тобынан Ахмолдина Алина, Амархан Қасиет, Шырынбек Шерхан, Атыбаева Аружан, Ансабай Азамат, Бахтынова Арай және Тордығалиева Мақпал мен Кемелбек Гүлжанат майдан даласынан «Соғыс үзіндісі» атты театрландырылған көрініс көрсетті.

 «Өлмес кітап сөресі» атты кітап көрмесі Отан үшін жанқиярлық ерлік көрсеткен тұлғалардың тарихымен толықты. Майданнан келген хаттар мен соғыс жылдарындағы фотосуреттерден студенттер соғысқа қатысушылардың жанкешті ерліктерімен жете танысты. Еліміздің басынан өткен тарихи күндерінен сыр шертетін мұндай шаралардың студенттер үшін маңызы өте зор. Әрі адамгершілік-патриоттық тақырыптағы кітаптарды насихаттап, жастардың бойында Отансүйгіштік сезімін ояту – бүгінгі шараның басты мақсаты болатын. Рухани кеш мәнді де, маңызды өтті деуге болады.

   Іс-шара соңы Ұлы Отан соғысы кезінде қаза тапқандарды бір минуттық үнсіздікпен еске алып, тағзым етумен аяқталды.