Ксения Петренко оқ атудан Қазақстан чемпионатының жеңімпазы атанды!

11.11.2021

Павлодар педагогикалық университетінің Өнер және спорт жоғары мектебінің ФКС-16 тобының студенті Ксения Петренко Алматы қаласында 2003 ж.т. және одан кіші спортшылар арасында оқ атудан өткен Қазақстан Республикасының жеке-командалық чемпионатында I орынды жеңіп алды.

Ксения 25 метр қашықтықта шағын калибрлі тапаншадан ату бойынша 600-ден 552 ұпай жинады.

"Жарыс оңай болған жоқ, өйткені Қазақстанның түкпір-түкпірінен қатысушылар көп болды. Негізінде, мен өзімнің нәтижеме ризамын, өйткені мен оны жақсарттым. Бұл ретте әлі де жұмыс істеу керек", - дейді Ксения.