КОЛЛЕДЖ ТҮЛЕКТЕРІМЕН КӘСІБИ БАҒДАР БЕРУГЕ АРНАЛҒАН КЕЗДЕСУЛЕР

20.01.2023

Оқу жылының басынан бастап Әлкей Марғұлан атындағы Павлодар педагогикалық университетінің жоғары гуманитарлық мектебінің «Тарих» білім беру бағдарламасының оқытушылары облыстың білім беру ұйымдарында кәсіптік бағдар беру шараларын белсенді түрде өткізуде.

Бұл күндері мұғалімдер А.С. Молдакимова, З.Ә. Сабданбекова, А.Т. Макишева мен Г.Ж. Құрманғазина Бейсен Ахметов атындағы Павлодар педагогикалық колледжі мен Павлодар гуманитарлық педагогикалық колледжінің студенттерімен кездесті.

Жиын барысында ғалымдар мен студенттер мұғалім мамандығының қоғамдағы құндылығы мен беделін талқылады. Болашақ ұстаздар заманауи ұстаз қандай болуы керек деген ойларын ортаға салды.

Студенттерге Марғұлан университетінің білім беру бағдарламалары, оқытушылар құрамының деңгейі, жоғары оқу орындарының материалдық-техникалық базасы туралы ақпарат берілді.

Колледж түлектерін жоғары оқу орындарына қабылдау ерекшеліктері, оқу бағыттары мен биылғы жылы қабылданатын мамандықтар туралы сұрақтарға университет өкілдері жан-жақты жауап берді. Сонымен қатар, құжаттарды қабылдау және оқуға қабылдау мерзімдері, жұмысқа орналасу және қосымша білім алу мүмкіндіктері туралы айтылды.