КОЛЛЕДЖ ТҮЛЕКТЕРІ ДИПЛОМ АЛДЫ

01.07.2023

Бүгін Ә.Марғұлан атындағы Павлодар педагогикалық университетіне қарасты М.Қанапиянов атындағы жоғары колледжінің түлектері дипломдарын қолдарына алды. Жас түлектерге диплом табыстау рәсіміне Марғұлан университеті академиялық мәселелер жөніндегі проректоры Ольга Андрющенко қатысып, түлектерді құттықтады.

Құрметті түлектер,  сіздерді диплом алып, жас маман атануларыңызбен құттықтаймын! Ұстаздық деген өте мәртебелі мамандық. Енді осы жолды тынбай тер төгіп, ел үшін еңбек етеді деп сенеміз,-деді ол.

Сондай-ақ, ол М.Қанапиянов колледжінің ең үздік түлектерін қызыл дипломдарымен марапаттады.

Жас мамандарды құттықтау шарасына Қанапиянов атындағы колледждің ұстаздары, түлектердің ата-аналары да қатысып, ақ жол тіледі.

Ағылшын тілі мұғалімі мамандығы бойынша бітірген Жанарбек Есімбек барша группаластарын диплом алуымен құттықтап, білім берген ұстаздарына өлең арнап, алғыс білдірді.