«КҮМІС УНИВЕРСИТЕТІ» ЖОБАСЫ ЖҰМЫСЫН ЖАЛҒАСТЫРУДА

12.01.2023

Павлодар педагогикалық университетінің Қосымша білім беру институты «Күміс университет» жобасы аясында жұмысын жалғастыруда. Бүгінде мұнда зейнет жасына дейінгі және зейнет жасындағы елуден астам студент білім алуда. Егде жастағы адамдарға аптасына бір рет компьютерлік сауаттылық, пішу және тігін, бейнелеу өнері және йога курстарына тегін қатысу мүмкіндігі беріледі. Университет оқытушылары оларға салауатты өмір салты, психология және басқа да қызықты тақырыптар бойынша дәрістер оқиды.

Жаратылыстану ғылымдары жоғары мектебінің доценті, биология ғылымдарының кандидаты Ғабдулхаева Бақытжамал Бакустарқызы «Өз денсаулығың өз қолыңда» тақырыбында дәрістер оқиды. Ол жүрек-қан тамырлары және басқа да аурулардың даму қаупін азайтуға көмектесетін салауатты өмір салтының негізгі ережелері туралы айтады.

Бақытжамал Ғабдулхаева атап өткендей, егде жастағы адамдар үшін сұранысты сақтау өте маңызды екенін психологтар әлдеқашан дәлелдеген, өйткені әлеуметтік инклюзия өмір деңгейі мен сапасына тікелей байланысты.

Күміс университетінің студенттері түрлі мәдени іс-шаралардың белсенді қатысушылары болып табылады. Мұндай іс-шаралардың қатарында бейнелеу өнері бойынша шеберлік сабақтары, музыкалық кештер, йога сабақтары, физиотерапия жаттығулары және т.б.

Университет ардагері, М.Қанапиянов атындағы педагогикалық жоғары колледждің бұрынғы әдіскері Семина Людмила Ивановна Күміс университетінің сабақтарына үлкен қуанышпен келетінін айтты. Ол цифрлық сауаттылық, бейнелеу өнері, пішу және тігу бойынша курстардан өтуде. Ардагер сыныптағы жағымды атмосфераны ұнататынын айтты.

«Университет ректоры Жанбол Жилбаевқа, Қосымша білім беру институтының директоры Роза Жаеваға және барлық курс оқытушыларына бізге қатардан қалмай, оқуға, әріптестермен, замандастарымызбен араласуға мүмкіндік бергені үшін алғысым шексіз. Бізге қамқорлық көрсетіп, жаңа білімдер мен қызықты кездесулер сыйлағандары үшін рахмет», — деді Людмила Ивановна.

Егде жастағы адамдар тек лекцияларға ғана емес, сонымен қатар семинарларға, шеберлік сабақтарына белсенді қатысады, олар әртүрлі әлеуметтік-мәдени тақырыптарға үлкен қызығушылық танытады. Күміс университетінің білім алушылары оқу жылының соңына дейін сабаққа қатысады. Толық курсты аяқтағаннан кейін барлық студенттер сертификаттар алады.