КЕМЕР ӘШІМБЕТОВ ЕСКЕ АЛУҒА АРНАЛҒАН ХХІV РЕСПУБЛИКАЛЫҚ ТУРНИР

13.01.2020

Красноармейка аграрлық-техникалық колледжінде  10-12 қаңтар күндері өткен белгілі қоғам қайраткері Кемер Әшімбетовті еске алуға арналған қазақ күресінен 23 жасқа дейінгі жастар арасындағы ХХІV республикалық турнирінен ПМПУ-нің бір топ жастары жүлделі орындарға ие болды. Өнер және спорт жоғары мектебінің студенттері Ерғантай Еламан (82 кг) 3 орын, Амри Бағустар (100 кг) 3 орын, Закариянов Дәурен (100 кг) 3 орын, Ерғантай Еламан (абсалют) 2 орын. Аталмыш шараға Кемер Әшімбетовтың жұбайы Тілеулес Айдарханова, қарындасы Жібек Қожахметқызы Әшімбетова қатысты. Кемер Әшімбетовтың ұлы, Қазақстан Республикасы Парламенті Мәжілісінің депутаты Нұржан Әшімбетов өз сөзінде ұйымдастырушыларға алғысын білдірсе, ПМПУ ректоры Алтынбек Нухұлы «Ертіс-Баян өңірінің 100 тарихи тұлғалары» атты фильмдер топтамасын Нұржан Кемерұлына сыйға тартты.