Перейти к содержимому страницы.
    1. Басты
    2. Жаңалықтар
    3. «КЕЛ, ШАЙ ІШЕЙІК!» ҚАЙЫРЫМДЫЛЫҚ АКЦИЯСЫ

«КЕЛ, ШАЙ ІШЕЙІК!» ҚАЙЫРЫМДЫЛЫҚ АКЦИЯСЫ

07.12.2023

Марғұлан Университетінің «Жастар рухы» жастар қанатының белсенділері «Кел, шай ишейк!» қайырымдылық акциясын бастады. Олар қар тазалау жұмыстарына қатысқан коммуналдық қызметкерлерге ыстық шай мен тәттілер ұсынды. Акцияны университеттің 20-ға жуық белсенді жастары қолдады.
Студенттер қала көшелеріне шығып, жұмысшылармен кездесіп, оларға туған қаласына қамқорлық танытқандары үшін алғыстарын айтып, тәтті сыйлықтар таратты. Осылайша, университет белсенділері таңертеңнен кешке дейін суықта көшелерді қар мен қоқыстан тазартатын коммуналдық қызметкерлерге қолдау көрсетуді жөн көрді. Акция апта бойы жалғасады.
«Қала тұрғындарына қолайлы жағдай жасап, таңнан кешке дейін жұмыс істейтін адамдарға жылулық пен жақсы көңіл-күй сыйлағымыз келеді. Кез келген қолайсыз ауа-райында, тіпті қарлы боран мен көктайғақ кезінде де көшелерімізді көркейтуге шыққандары үшін алғыс айтамыз», - дейді «Жастар рухы» ұйымының төрайымы Даяна Оразбекова.
Айта кету керек, акция Б.Ахметов атындағы педагогикалық жоғары колледж және Торайғыров университетінің белсенділерімен бірлесіп 2021 жылдан бері өткізіліп келеді. «Жастар рухы» жастар қанатының белсенділері барлық жанашыр жандарға белсенді қатысуға шақырады!