КӨКТЕМ МЕН СҰЛУЛЫҚ МЕРЕКЕСІ ҚҰТТЫ БОЛСЫН!

07.03.2023

Әлкей Марғұлан атындағы Павлодар педагогикалық университетінде 8 наурыз – Халықаралық әйелдер күніне арналған салтанатты іс-шара өтті.

Ғылыми жұмыстар жөніндегі проректор Бауыржан Есенгелдин Марғұлан университетінің ректоры Жанбол Жилбаевтың атынан ардагерлерді, оқытушыларды, қызметкерлер мен студенттерді келе жатқан мерекемен құттықтады.

Бауыржан Сатыбалдыұлы әйел қауымына қажырлы еңбектері үшін алғыс білдіріп, зор денсаулық, табыс, бақыт, бақ-береке, көтеріңкі көңіл-күй тіледі.

Университеттің үздік қызметкерлеріне Қазақстан Республикасы Ғылым және жоғары білім министрінің, Павлодар облысы әкімінің, Марғұлан университеті ректорының Құрмет грамоталарын табыс етті.

8 наурыз - Халықаралық әйелдер күні Қазақстан тарихын зерттеудегі жетістіктері үшін тарих ғылымдарының докторы, Гуманитарлық ғылымдар жоғары мектебінің профессоры Гүлфира Өтеповаға «Қазақстан Республикасының ғылымын дамытуға сіңірген еңбегі үшін» төсбелгісі табыс етілді.

Дарынды жастар Студенттік филармония ұжымы мен «Музыкалық білім» бағдарламасының оқытушыларының жетекшілігімен университеттің нәзік жандылары үшін мерекелік концерт дайындады, онда лирикалық әндер, романтикалық өлеңдер, аруларға арналған жылы лебіздер мен құттықтаулар айтылды.

Ұжымның барлық қыз-келіншектеріне ер азаматтар атынан махаббат пен көктемнің жарқын символы болып табылатын қызғалдақтар ұсынылды.

Бас ғимараттың фойесінде шағын мерекелік дастархан жайылды. Осы тамаша күні құттықтаусыз және жылы лебізсіз бірде-бір әйел қалмады!

Барша әйелдер қауымын келе жатқан 8 наурыз мерекесімен тағы да құттықтаймыз! Сіздерге зор денсаулық, мол бақыт, барлық бастамаларыңызға сәттілік, жанұяларыңызға береке-бірлік тілейміз!