«ЖОО ҮЗДІК ОҚЫТУШЫСЫ» КОНКУРСЫНА ӨТІНІМ БЕРУ ЕРЕЖЕСІ ТҮСІНДІРІЛДІ

04.11.2024

Бүгін Марғұлан университетінде Гуманитарлық ғылымдар жоғары мектебінің ұйымдастыруымен «ЖОО-ның үздік оқытушысы» конкурсына өтінім беру жөнінде ғылыми-әдістемелік семинары өтті.  Доктор PhD, қауымдастырылған профессор Дария Абыкенова байқауға қатысу талаптары мен қажетті ақпаратты түсіндірді. Семинар барысында оқытушыларға байқау материалдарын дайындау, қажетті құжаттарды рәсімдеу және байқауға қатысудың маңызды аспектілері туралы ақпарат берілді. Әдістемелік кеңестер мен байқау ережелеріне қатысты сұрақтарға жауаптар ұсынылды, бұл қатысушыларға өтінімді сапалы және толыққанды әзірлеуге көмектеседі.

Семинар соңында қатысушылардың мотивациясын арттыру мақсатында «ЖОО-ның үздік оқытушысы» төсбелгісін ырымдап тағып көру рәсімі өткізілді. Бұл ерекше сәт қатысушыларға зор шабыт сыйлап, оларға жоғары жетістіктерге жету жолында сенім ұялатты.