ЖОО БЕЛСЕНДІЛЕРІ ПРЕЗИДЕНТ ЖОЛДАУЫН ТАЛҚЫЛАДЫ

07.09.2022

Бүгін Павлодар педагогикалық университетінің студенттері Мемлекет басшысының Жолдауындағы өзекті мәселелерді талқылады.

Талқылауға қалалық мәслихаттың депутаты Қожин Қобланбек Нұрмұханұлы, қалалық мәслихаттың депутаты Тұрсымбаев Қайрат Сағындықұлы, жастар ұйымдарының өкілдері және жоғары оқу орынның студенттері қатысты.

Университет белсенділері Мемлекет басшысының Жолдауында қолға алынған алдағы реформаларды талқылады. Спикерлер цифрландыру, бизнесті дамыту және адами капитал мәселелеріне назар аударды.

Олар алдағы реформаларды жүзеге асыру үшін өз жауапкершілігін сезінетінін жеткізіп, ортақ іске үлес қосу үшін бар күш-жігерін салуға дайын екендіктерін атап өтті.

Студенттер білім берудің қолжетімділігіне деген көзқарасты ерекше атап өтті. Сапа жақсарған сайын жоғары оқу орындарында білім алу құны өседі, сондықтан Президент ҰБТ нәтижесі бойынша сараланған гранттарды бөлуді ұсынып отыр: 30-дан 100 пайызға дейін. Сондай-ақ 2-3 пайызбен жеңілдетілген несие береді. Әлеуетті аналар мен әкелер де балаларына деген қамқорлықты оң қабылдады. Бұл декреттік демалысты бір жарым жылға дейін ұлғайту, сондай-ақ Балаларға арналған ұлттық қор бастамасы.

Болашақ түлектер Жолдаудың білім беру ұйымдары еңбек нарығының нақты қажеттіліктеріне бағдарлануы қажет деген жолдарын қолдады.

Жас белсенділер ең төменгі жалақыны көтеруді өте маңызды деп санайды. Тек осы бастама екі миллионға жуық қазақстандықтың табысын арттырады.

"Бағдарламалық құжатты жүзеге асыру барша қазақстандықтардың өмірін жақсартатынына сенімдіміз. Біз, университет белсенділері, еліміздегі жағдайдың жақсаруына мүдделіміз және алдағы істерге өз үлесімізді қосуға дайынбыз", - дейді 3 курс студенті Арайлым Омарова.