ЖОҒАРЫ GPA КӨРСЕТКІШІНЕ ИЕ ТҮЛЕКТЕР КОНКУРССЫЗ ЖҰМЫСҚА ОРНАЛАСУ МҮМКІНДІГІНЕ ИЕ БОЛДЫ

08.06.2026

Мемлекеттік білім беру гранты негізінде білім алған студенттерді бөлу рәсімі өтті. Жоғары академиялық жетістік көрсеткен түлектер үшін бұл кәсіби қызметке қадам басудағы маңызды кезең болды. GPA көрсеткіші 3,33 және одан жоғары студенттер білім беру ұйымдарына конкурссыз жұмысқа орналасудың бірегей мүмкіндігіне ие болды.

Іс-шараға Павлодар облысының білім басқармасы, Павлодар қаласының білім беру бөлімі өкілдері, сондай-ақ жас мамандарды өз ұжымдарына қабылдауға дайын 40-тан астам білім беру ұйымдарының өкілдері қатысты.

Кездесуді Басқарма мүшесі – академиялық мәселелер жөніндегі проректор А. Б. Жұмабекова және Мансап және тәжірибе орталығының жетекшісі Т. В. Гаврилова жүргізді.

Түлектерімізді сәтті бөлінулерімен құттықтаймыз! Оларға кәсіби жолда табыс, жаңа жетістіктер мен педагогикалық қызметте толағай табыстар тілейміз!