ЖАТАҚТАҚХАНАДАҒЫ СТУДЕНТТЕР АРАСЫНДА ӨТКЕН БАСКЕТБОЛ ТУРНИРІ

06.09.2022

Павлодар педагогикалық университетінде оқу жылының басы жарқын оқиғаларға толы. Сондай қызықты шаралардың бірі университеттің жатақханаларында тұратын студенттер арасында өткізілген баскетбол турнирі болды.

Жарысқа №1 және №2 студенттер үйінен 7 команда қатысты. Бұлар «Дене шынықтыру және спорт», «Математика» және «Информатика» білім беру бағдарламаларының 1-3 курс студенттері. Барлық ойындар өте тартысты өтті, әр команда максималды нәтиже көрсетуге тырысты. Командалар айналмалы жүйе бойынша жарысты және орындар келесі ретпен бөлінді:

1-2 курстар арасында «Арабтар» командасы I орынды жеңіп алды. II орында – «Ұлан» командасы. ІІІ орын – «Элит», IV орын – «Чикаго», V орын – «Солтүстік».
3 курстың ішінде «Зевс» командасы I-орынға ие болды. Екінші орында «Жұлдыздар» командасы.

Өнер және спорт жоғары мектебі деканының тәрбие ісі жөніндегі орынбасары Наталья Анатольевна Пантованың айтуынша, мұндай спорттық жарыстар студенттік ұжымдардың ұйымшылдығын арттыру, бұқаралық спортты дамыту және студенттік жатақханаларда салауатты өмір салтын насихаттау мақсатында өткізілуде.

«Барлық ойыншылар өздерінің техникалық дайындығын ғана емес, жеңіске деген ерік-жігерін, командалық ойын стилін, баскетбол ойынының жаңа ережелерін білуін де көрсетті. Баскетболдан бірінші турнир сәтті өтті. Осындай сүйікті спорттық шараға белсенді қатысқаны үшін ұйымдастырушылар мен төрешілерге алғыс айтамыз», — деді Наталья Анатольевна.