«ЖАСТАРДЫ ДЕСТРУКТИВТІ КУЛЬТТЕРГЕ ТАРТУДЫҢ АЛДЫН АЛУ» ТАҚЫРЫБЫНДА ДӘРІС ОҚЫДЫ

29.11.2023

Марғұлан университетінде «Жастарды деструктивті культтерге тартудың алдын алу» тақырыбында жиын өтті. Шараға конфессияаралық қатынастарды талдау және дамыту орталығының теологы Жолдас қажы Бердымұрат, конфессияаралық қатынастарды талдау және дамыту орталығының ақпарат-түсіндіру жұмысы бөлімінің басшысы Зайда Асанбаева қатысып, дәріс оқыды. Жиынның басты мақсаты - діннің атын жамылып жүрген теріс ағымды насихаттаушылар мен экстремистік топтардың зиянын түсіндіру.

Студенттерге Жолдас қажы Бердымұрат діни ағымдарды, терроризмнің тигізер қауіпін ислам дінімен, қазақы салт-дәстүрлермен ұштастырып, түсіндірді.

«Көп адам діни білімнің жетіспеушіліген әрнәрсеге сеніп, ғаламтор желісіндегі дүниелерді таратып жүреді. Ал шын мәнінде таратып жатқандарының дұрыс-бұрыстығынан бейхабар. Түрлі ағымдардың болуының себебінен желіге де түрлі нәрселер салынады. Сіздерге олардың бәріне бірдей сене бермеулеріңізді сұраймын»,-деді Жолдас қажы Бердымұрат.