ЖАС ҰСТАЗДАР ФОРУМЫ ӨТТІ

05.11.2022

Педагогикалық шеберлік орталығының Павлодар қ. филиалы мен Павлодар қаласындағы химия-биология бағытындағы «Назарбаев Зияткерлік мектебінің» ұйымдастыруымен облыс мектептерінің жас мұғалімдерінің «Жас ұстаз: табысқа апарар жол» атты аймақтық форумы өтті.  Алғашқы рет ұйымдастырылып отырған іс-шараға Павлодар облысының 120-дан астам педагогі қатысты. "Шетел тілі: екі шетел тілі" білім беру бағдарламасының қауымдастырылған профессоры Ныгметова Бибигуль Джамбуловна жас мұғалімдермен білім берудегі өзекті мәселелерді талқылап, модератор ретінде жанама тәжірибеден өз іс-әрекетіне дейін Insight зертханасында эксперимент жасап, тренинг өткізді. Бұл іс-шара жас педагогтердің кәсіби дамуын ынталандыруға бағытталған. Жас педагогтер өздерінің біліктілігін арттырып, тәжірибе алмасып,  іс-шараның жоғары маңызы туралы пікір білдірді.