ЫРЫСКҮЛ БЕКТЕМІРҚЫЗЫ 60 ЖАСҚА ТОЛДЫ

07.10.2024

Биыл Марғұлан университетінің гуманитарлық ғылымдар жоғары мектебінің профессоры, филология ғылымдарының кандидаты Шақаман Ырыскүл Бектемірқызы 60 жасқа толды. Бүгін университетте ғалымның мереи‌тои‌ына арналған “Ғылым менің - Темірқазығым” атты конференция өтті. Шараға Марғұлан университетінің проректоры Бауыржан Есенгелдин қатысып, университет басшысының құттықтау хатын табыстады. Сонымен қатар, Ертіс-Баян өңіріне белгілі ғалымдар, оқытушылар арнайы келіп, профессорды мерейжасымен құттықтады.

Ырыскүл Шақаман - 1964 жылы 6 қазанда Павлодар облысы Шарбақты ауданында дүниеге келген. 1983-1987  жж Қазақ мемлекеттік қыздар педагогикалық институтында оқыған. 1994-1997 жж Абай атындағы педагогикалық университетінің аспирантурасын тәмамдаған. Ұстаздық еңбек жолын 1987 жылы Павлодар облысы Шарбақты ауданының Қызылтаң орта мектебінде бастаған. Онда қазақ тілі мен әдебиеті мұғалімі, директордың тәрбие работе жөніндегі орынбасары қызметтерін атқарды. 2007 жылдан бері Әлкей Марғұлан атындағы Павлодар педагогикалық университетінде ұстаздық етіп, шәкірт тәрбиелеп келеді. Біраз жыл кафедра меңгерушісі және декан қызметін атқарды. Ы.Шақаман көптеген ғылыми мақалалар, монография, оқулық пен оқу құралдарының авторы. Сондай‌-ақ, қазақ тілі мен әдебиеті пәні бой‌ынша мектеп оқулықтарын сараптау комиссиясының төрағасы. Өткен жылы республикалық «Үздік ғылыми қызметкер» байқауының жеңімпазы атанды.