"Информатика" білім беру бағдарламасының профессоры А.Асамбаев 60 жылдық мерейтойын атап өтті

27.04.2021

2021 жылы 26 сәуір күні "Информатика" білім беру бағдарламасының профессоры Асамбаев Асен Жетпісбайұлының 60 жылдық мерейтойына арналған Жаратылыстану жоғары мектебі кеңесінің кезектен тыс отырысы өтті. Оған ППУ Басқарма төрағасы – ректоры Ж.Жилбаев қатысып, жоғары мектеп деканы Алиясова В.Н. әріптестерімен бірге Асен Жетпісбайұлын мерейтойымен құттықтады.

Асен Жетпісбайұлының еңбек жолы 2010 жылдан бастап Павлодар педагогикалық университетімен тығыз байланысты. Осы уақыт ішінде ол университет қабырғасында еңбек нарығында сұранысқа ие мамандықтар бойынша білікті мамандар даярлап, жоғары оқу орнының гүлденуіне өз үлесін қосып, әріптестерінің арасында үлкен құрметке бөленді.  

Мерейтой иесін құттықтауға Семей қаласының Шәкәрім Университетінің автоматика және ақпараттық технологиялар кафедрасының меңгерушісі Александр Дмитриевич Золотов, Халықаралық суық академиясының (International Academy of Refrigeration) Қазақстан Республикасындағы өкілдігінің төрағасы Александр Петрович Цой, Шәкәрім Университетінің профессоры Аман Еренғалиұлы Еренғалиев, М.Әуезов атындағы Оңтүстік Қазақстан университетінің профессоры Әзірет Өтебайұлы Шингисов және басқа да өңірлердің жақын әріптестері жылы лебіздерін білдірді.

Жаратылыстану жоғары мектебі Асен Жетпісбайұлы Асамбаевты мерейтойымен шын жүректен құттықтайды, Сізге зор денсаулық, бақыт және амандық тілейміз.