ГУМАНИТАРЛЫҚ ҒЫЛЫМДАР ЖОҒАРЫ МЕКТЕБІНІҢ АШЫҚ ЕСІК КҮНІ

16.10.2023

Гуманитарлық ғылымдар жоғары мектебі кәсіби бағдар беру жұмысы бойынша қала мектептерінің оқушыларына арналған ашық есік күнін өткізді. Аталған шараға Марғұлан университеті қабылдау комиссиясының хатшысы Гүлнәр Мұсанова қатысып, оқуға түсу туралы түсіндірме жұмысы жүргізді. Сондай-ақ, Қазақстандағы педагог мәртебесі туралы керекті мағлұматтар берді.

Кәсіби бағдар беру барысында жоғары мектеп оқытушылары жаңадан ашылған білім беру бағдарламаларының мүмкіндіктері мен артықшылықтары туралы айтып өтті. Сондай-ақ студенттер де университетте алған білімдерін көрсетіп, университет қабырғасында үйренген өз өнерлерін паш етті. Ашық есік күні нәтижесінде білім беру бағдарламаларына қызығушылық танытып, Марғұлан университетіне түсуге ниет білдірген оқушылар көп болды.