МАРҒҰЛАН УНИВЕРСИТЕТІНІҢ ГИМНАСТТАРЫ ҚР ЧЕМПИОНАТЫНДА БЕС АЛТЫН МЕДАЛЬ АЛДЫ

25.09.2023

Алматыда батут гимнастикасынан (көпсайыс) Қазақстан Республикасының жастар чемпионаты аяқталды, оған Қазақстанның тоғыз облысынан төрт жас тобы бойынша 138 спортшы қатысты.

Университетіміздің гимнастшылары 17-21 жас аралығындағы үлкендер арасында сынға түсті.

Жарыс барысында ДШжС-42 тобының студенті, Қазақстан Республикасының спорт шебері Алина Сарсембаева тамаша жетістікке жетті.

Ол шағын батутта және синхронды батутта екі алтын медаль жеңіп алды, сонымен қатар батуттаға жеке сайыста қола медальді жеңіп алды.

Жеке батутта бірінші орынды Қазақстанның ең мықты гимнастшысы, ДШжС-22 тобының студенті, Қазақстан Республикасының халықаралық спорт шебері Виктория Бутолина жеңіп алды. Виктория бір ғана бағытта өнер көрсетті, себебі, ол алдағы уақытта Гуанчжоуда (Қытай) өтетін Азия ойындарында ұлттық құрама сапында ел намысын қорғайды.

Жарыста университетіміздің Жоғары педагогикалық колледжінің ДШС – 22-9 тобының студенті, Қазақстан Республикасының халықаралық дәрежедегі спорт шебері Руслан Измайлов та өнер көрсетті. Республиканың ең мықты гимнастшыларымен қиын күресте ол шағын батутпен секіруден және синхронды батутпен секіруден екі алтын медаль жеңіп алды, сонымен қатар жеке батутта секіруден қола жүлдегер атанды. Қараша айында Руслан Бирмингемде (Англия) өтетін әлем чемпионатында маңызды старт алады, сондықтан қазір бар күшін салып дайындалып жатыр.

Спортшыларды Өнер және спорт жоғары мектебінің профессоры Евгений Васильевич Бронский дайындайды.

Гимнасттарымызды және олардың жаттықтырушысын кезекті жеңістерімен құттықтап, алдағы жарыстарда биіктен көріне берулеріне тілектеспіз!