ГИМНАСТШЫЛАРЫМЫЗ ҚАЗАҚСТАН ЧЕМПИОНАТЫНАН ҮШ АЛТЫН, ЕКІ КҮМІС ӘКЕЛДІ!

22.08.2022

Павлодар педагогикалық университетінің Өнер және спорт жоғары мектебінің студенттері батутта секіру, акробатикалық трек және қос минитрамп бойынша жасөспірімдер чемпионатында үш алтын және екі күміс жеңіп алды. Алматыда 17-20 тамыз аралығында өткен жарысқа еліміздің барлық облыстарынан 130-дан астам мықты гимнастшылар қатысты.

ДШжС-32 студенті Алина Сәрсембаева қос мини батут және синхронды батут бойынша чемпион атанды. Ол жеке батутта екінші орын алды.

ДШжС-12 студенті Бутолина Виктория батутта жекелей секіру бойынша чемпион атанып, синхронды батутта II орынға ие болды.

Қыздарды өнер және спорт жоғары мектебінің профессоры Евгений Бронский дайындайды.

Айта кетерлігі, халықаралық дәрежедегі және Қазақстан Республикасының спорт шебері, Қазақстанның бірнеше дүркін чемпионы, халықаралық турнирлердің жеңімпазы Бутолина Виктория биылғы жылы Өнер және спорт жоғары мектебіне оқуға түсті. 1 қыркүйекте ол басқа 1 курсқа түскен группаластарымен бірге студент ретінде Павлодар педагогикалық университетінің табалдырығын аттамақ.

Виктория қазір қараша айында Болгарияда өтетін Әлем чемпионатына дайындалып жатыр. Оған алдағы уақытта табыстар мен жеңістер тілейміз!