ҒЫЛЫМИ ГРАНТТАР АЛУҒА АРНАЛҒАН СЕМИНАР

28.10.2022

2022 жылдың 27 қазанында Павлодар педагогикалық университетінде профессорлық-оқытушылық құрамның қатысуымен «Гранттық қаржыландыруға білім беру бағытында жобалық іс-шараларды ғылыми-әдістемелік негіздеу және жобалық өтінімді ресімдеу» тақырыбында ғылыми-әдістемелік семинар өтті.

Педагогикалық зерттеулер орталығының директоры, педагогика ғылымдарының кандидаты Алмагүл Асайынова ғалымның қызметін коммерцияландыру мәселесіне және гранттық қаржыландыруға жобалық өтінімді дайындау мәселесіне тоқталды.

- Біз тақырыпты анықтау, тұжырымдау, жобаның ғылыми жаңалығы мәселелерін қарастырдық, зерттеу әдістерін таңдау, топ құру және жобаны басқару мәселелерін талқыладық,-деді ол.

PhD семинарының үшінші бөлімінде ҚОҚ доценті Дария Болатқызы Әбікенова is.ncste.kz порталын, тіркеу тәртібін, жобаны құруды, әр кезеңде жобаның бюджетін әзірлеуді көрсетті.
Барлық спикерлер гранттық және келісімшарттық ғылыми жобалардың жетекшілері мен орындаушылары болып табылады, олар гранттық қаржыландыруға сәтті өтінім жазудың әдістемелері мен лайфхактарымен бөлісті.

Еске салайық, 2022 жылы университет ғалымдары Ғылым және жоғары білім министрлігінің 5 гранттық жобасын жеңіп алған болатын.