БАЛАЛАР ДЕМАЛЫС МАУСЫМЫ ЖАЛҒАСУДА

23.06.2023

Ә.Марғұлан атындағы Павлодар педагогикалық университеті қызметкерлерінің балалары «Жас ұрпақ» сауықтыру-шығармашылық лагерінде демалып жүр. Мұнда кішкентай бүлдіршіндер жазғы демалыстың ең қызықты сәттерін бастан өткізуде. Балалар жаңа достар тауып, өздеріне пайдалы әрі қызықты ақпараттар алуда. Жазғы лагерде балалар спорт залда болып әртүрлі спорттық ойындар ойнайды, тоғызқұмалақ үйренеді.  Сондай-ақ, комикс жасап, қарындашпен сурет салады. Одан бөлек бассейнге шомылып, суда жүзуді үйренеді. 

Балалар университеттің тарихи орындарымен де танысып жатыр. Музей қызметкері Айгерім Абдрахманова табиғат мұражайына экскурсия жүргізді, онда балалар фауна, пайдалы қазбалар, Павлодар облысындағы қазба жұмыстары туралы көп мағлұмат алды.