ФУТБОЛ ТУРНИРІ ӨТТІ

24.09.2024

2024 жылдың 21 қыркүйегінде Ә.Марғұлан атындағы Павлодар педагогикалық университетінде Жаратылыстану ғылымдары жоғары мектебі мен Студенттік географиялық қоғамының ұйымдастыруымен география және химия пәндері бойынша білім беру бағдарламасы студенттері арасында шағын футболдан турнир өтті.

Турнирге бес команда қатысты. Студенттер алаңда өз шеберліктерін көрсетіп ғана қоймай, командалық рухты шыңдап, өзара береке-бірлігін нығайтып, бір-біріне қолдау көрсету дағдыларын дамытты.

Студенттік ортада қолайлы жағдай туғызу үшін мұндай спорттық іс-шаралардың маңызы зор. Жарыстармен қатар, бос уақыттарын тиімді өткізе отырып, салауатты өмір салтын қалыптастыруды насихаттады. Павлодар педагогикалық университеті студенттерді біріктіруге және олардың академиялық және спорттық әлеуетін дамытуға бағытталған бастамаларды қолдауды жалғастыруда.

Турнир барлық қатысушыларға жақсы әсер қалдырып, қатысушылар алдағы уақытта да осындай дәстүрлерді жалғастыруға ниет білдірді. Жеңімпаздар марапатталды.