ҚЫЗДАРТ КОМАНДАСЫ ҚОЛА ЖҮЛДЕГЕ ИЕ БОЛДЫ

25.04.2022

Футзалдан қыздар арасындағы «QSQFL-2022» студенттік лигасының финалдық жарысында ППУ қыздар құрамасы III-орынға ие болды.

Жарыс Қазақстан Республикасы Білім және ғылым министрлігінің «Ұлттық ғылыми-практикалық дене тәрбиесі орталығының» қолдауымен, Қазақстан футбол федерациясының ұйымдастыруымен өтті.

Финалдық кезеңге әр өңірден бес команда шықты. Ақтық ойын Нұр-Сұлтан қаласы «Сайран Арена» алаңында өтті.

Қыздарды сайысқа ұстаздар Жұмабаева Балжан мен Ходотчук Андрей дайындады.

Балжан Жұмабаеваның айтуынша, бірінші ойын біршама қиын әрі тартысты өтті.

- Алғашынжа «Тұран командасымен (Алматы) ойнап, 4-5 есебімен жеңілдік. Бірақ біздің қыздар біртіндеп ойын ырғағына еніп, екінші ойында Қазақ ұлттық қыздар педагогикалық университеті (Алматы) командасын 5:3 есебімен жеңді. Үшінші ойын «Атырауға» қарсы өтті. Ол ойын 6:1 есебімен біздің пайдамызға аяқталды. Ал соңғы «ҚарГуға» қарсы ойын 3:3 есебімен тең аяқталды, – деді Балжан Русланқызы.

Жарыс қорытындысы бойынша ППУ қыздар командасы футзалдан Қазақстан Республикасы чемпионатының қола жүлдегері атанды!

ДШжС-34 тобының студенті Тілеубекова Минора турнирдің үздік ойыншысы атанды. Спортшылар мен олардың жаттықтырушыларын шын жүректен құттықтаймыз!