«ФУНКЦИОНАЛДЫҚ САУАТТЫЛЫҚ НЕГІЗДЕРІ» ШЕБЕРЛІК СЫНЫБЫ

17.04.2023

Ә.Марғұлан атындағы Павлодар педагогикалық университетінде Ғылым онкүндігі аясындағы шаралар жалғасып жатыр. Бүгін гуманитарлық ғылымдар жоғары мектебі «Орыс тілі және әдебиеті» білім беру бағдарламасының оқытушысы Айгүл Абеуованың шеберлік сыныбы өтті.

Айгүл Біләлқызы студенттерге және магистранттарға арналған «Функционалдық сауаттылық негіздері» ғылыми-педагогикалық шеберлік сыныбын өткізіп, аталған тақырыпта дәріс оқыды. Шеберлік сыныбы барысында ол Ертіс-Баян өңірі жазушыларының мәтіндеріне негізделген функционалдық сауаттылық бойынша жинақтар ұсынды. Тыңдаушыларға халықаралық Piza сабағына арналған тапсырмалардың түрлерін көрсетті. Студенттер ұсынылған материалға қызығушылық танытып, өздерін қызықтырған сұрақтарын қойды.