ФИНЛЯНДИЯДАН ИДЕЯЛАРМЕН: әдістемелік апталықтың ашылуы

16.06.2025

Әлкей Марғұлан атындағы Павлодар педагогикалық университетінде Финляндияның білім беру жүйесінің озық тәжірибесін зерделеуге арналған әдістемелік апталық басталды.

Жуырда университеттің оқытушылары мен қызметкерлері Финляндияда тағылымдамадан өтіп қайтқан болатын. Енді олар өз әріптестерімен Қазақстан педагогикасының дамуына пайдалы болуы мүмкін негізгі идеялар мен тәсілдерді бөлісуде.

Қошемет сөзімен Қосымша білім беру институтының директоры Роза Жаева сөз сөйледі. Ол мұндай семинарлар тұрақты тәжірибеге айналатынын атап өтті: әрбір шетелдік тағылымдамадан өткен университет қызметкері өз тәжірибесімен әріптестерімен бөлісетін болады.

«Финляндияның білім беру жүйесі» атты баяндамасында PhD докторы, қауымдастырылған профессор Аспанова Г.Р. фин білім беру жүйесінің философиясы, құрылымы және бұл тәсілдерді қазақстандық практикада қолдану мүмкіндіктері туралы кеңінен айтып берді.

Әдістемелік апталық халықаралық тәжірибені отандық педагогикалық жүйеге енгізуге бағытталған семинарлар, дөңгелек үстелдер мен пікірталас алаңдары арқылы жалғасын табады.