"PavlodART" ӨНЕР ФЕСТИВАЛІ

11.05.2022

4-6 мамыр күндері «АRTstudio» жастар жобасы аясында облыстық кітапханада кескіндеме, графика, қолданбалы өнер, фотография, мүсін, дизайн, леттеринг бағыттары бойынша «PavlodART» бейнелеу және қолданбалы өнер фестивалі өтті.

Бұл жоба, ең алдымен, талантты суретшілерді қолдауға, сондай-ақ заманауи өнердегі жаңа есімдерді анықтауға бағытталған, жастарды эстетикалық тәрбиелеуге және өнер шеберлерінің мәдени диалогын кеңейтуге ықпал етеді.

Үш күн бойы өнер сүйер қауым Павлодар қаласының шақырылған шеберлерінің бірегей өнер туындыларын тамашалай отырып, шығармашылық диалог пен ынтымақтастықты жолға қою мүмкіндігіне ие болды. Ал суретші, фотограф, дизайнер немесе мүсінші рөлінде болғысы келетіндер шеберлік сабақтарына қатысты. «Кітаптағы өнер, кітап – өнер ретінде» атты кітап көрмесі әлемдік және Қазақстандық бейнелеу өнерімен таныстырды.

5 мамыр күні «Керамическое кружево» атты шеберлік сағатын Александра Ловин-Самошкина өткізді және Леттеринг бойынша «Буквица» атты шеберлік сағатын Тұрғанбекова Нұргүл өткізді.

Шеберлк сағаттарына Көркем еңбек білім беру бағдарламасының 1,2,3 курс студенттері қатысты.